இசையமைப்பாளர் ஜிப்ரான் உத்தம வில்லன் படத்துக்கு உருவாக்கிய இசையை இந்தியில் வெப் சீரிஸ் ஒன்றில் அனுமதி இன்றி பயன்படுத்தியுள்ளதாகக் குற்றச்சாட்டு எழுந்துள்ளது.
தமிழில் வாகை சூடவா படத்தின் மூலம் இசையமைப்பாளராக அறிமுகமானவர் ஜிப்ரான். அதன் பின்னர் நய்யாண்டி, அறம், விஸ்வரூபம் 2, உத்தமவில்லன் உள்ளிட்ட பல படங்களுக்கு இசையமைத்துள்ளார். இதில் உத்தம வில்லன் படத்துக்காக அவர் அமைத்த தீம் மியுசிக் ரசிகர்கள் இடையே பிரபலம். இந்நிலையில் அந்த இசையை இந்தியில் உள்ள வெப் சீரிஸ் ஒன்றில் அனுமதி இன்றி பயன்படுத்தியுள்ளதாகக் குற்றச்சாட்டுகள் எழுந்துள்ளன.
இதை ஜிப்ரானிடம் சுட்டிக்காட்டி ரசிகர் ஒருவர் வீடியோவை அனுப்ப இந்த செய்தி தனக்கு மிகவும் அதிர்ச்சியாக உள்ளதாக ஜிப்ரான் புலம்பியுள்ளார். சமீபகாலமாக இதுபோல அனுமதி இல்லாமல் இசையை பயன்படுத்துவது அதிகமாகியுள்ளது. கடந்த ஆண்டு விஸ்வாசம் படத்துக்காக இமான் அமைத்த இசையை அனுமதி இன்றி ஒரு இந்தி படக்குழு எடுத்து கையாண்டது குறிப்பிடத்தக்கது.