வெற்றிமாறன் கதையை இயக்கும் கௌதம் மேனன்.. ஹீரோ ஜெயம் ரவியா?

தமிழ் சினிமாவின் முன்னணி இயக்குனர்களில் ஒருவர் கௌதம் மேனன். அவர் இயக்கிய மின்னலே, காக்க காக்க, வேட்டையாடு விளையாடு, வாரணம் ஆயிரம் படங்கள் ட்ரண்ட் செட்டிங் படங்களாக அமைந்தன. தற்போதைக்கு இயக்குனராக தமிழ் சினிமாவில் அவருக்கு பெரிய வாய்ப்புகள் இல்லை.

அதற்குக் காரணம் அவரின் கடன் தொல்லைகள்தான் என சொல்லப்படுகிறது. இந்நிலையில் அவர் மலையாள சினிமாவில் இயக்குனராகக் கால்பதித்துள்ளார். மம்மூட்டி நடிக்கும் ஒரு படத்தை அவர்  இயக்கி வருகிறார். இந்த படத்தை மம்மூட்டியே தன்னுடைய ‘மம்மூட்டி கம்பெனி’ மூலமாக தயாரிக்கிறார். இந்த படத்தின் இறுதிகட்ட பணிகள் தற்போது நடந்து வரும் நிலையில் அடுத்து ஒரு தமிழ்ப் படத்தை இயக்கவுள்ளாராம் கௌதம்.

முதலில் இந்த படத்தில் சிம்பு நடிப்பார் என சொல்லப்பட்ட நிலையில் இப்போது ஜெயம் ரவி கதாநாயகனாக நடிக்க வாய்ப்புள்ளதாக சொல்லப்படுகிறது. இந்த படத்தை வேல்ஸ் இண்டர்நேஷனல் சார்பில் ஐசரி கணேஷ் தயாரிக்க உள்ளதாக சொல்லப்படுகிறது.