2013 ஆம் ஆண்டு வெளியான திருஷ்யம் திரைப்படம் மிகப்பெரிய வெற்றி பெற்றது. அதுமட்டுமில்லாமல் தமிழ், தெலுங்கு , கன்னடம் மற்றும் இந்தி ஆகிய மொழிகளில் ரீமேக் செய்யப்பட்டது. இதில் இந்தியைத் தவிர மற்ற மொழிகளில் எல்லாம் பிரம்மாண்ட வெற்றியை பெற்றது. இந்த பிரம்மாண்ட வெற்றியால் சீனாவின் மாண்டரின் மொழியிலும் ரீமேக் செய்யப்பட்டது.
இதையடுத்து திருஷ்யம் படத்தின் இரண்டாம் பாகமும் ரிலிஸாகி வெற்றி பெற்று, இப்போது அதுவும் தெலுங்கு, கன்னடம், இந்தி ஆகிய மொழிகளில் ரீமேக் ஆகியுள்ளது. சமீபத்தில் ரிலீஸ் ஆன இந்தி வெர்ஷன் மிகப்பெரிய வெற்றி பெற்றுள்ளது.
இந்நிலையில் திருஷ்யம் மூன்றாம் பாகம் பற்றி பேசியுள்ள இயக்குனர் ஜீத்து ஜோசப் “திருஷ்யம் 3 ஆம் பாகத்தின் கிளைமேக்ஸ் ஐடியா மட்டுமே உள்ளது. அதற்கேற்றார்போல கதை செய்ய வேண்டும். இந்த மூன்றாம் பாகத்தோடு கதை முடிந்துவிடும்” எனக் கூறியுள்ளார். இப்போது மோகன்லால் நடிப்பில் “ராம்” என்ற படத்தை இயக்கி வருகிறார் ஜீத்து ஜோசப்.