மாரி -2 படத்தில் இடம்பெற்றிருந்த ரவுடி பேபி பாடல் 100 கோடி பார்வையாளர்களைக் கடந்துள்ளது. இதனால் இப்பாடலுக்கு இசையமைத்த யுவன் சங்கர் ராஜாவுக்கு வலிமை படத்தின் தயாரிப்பாளர் போனிகபூர் வாழ்த்தியுள்ளார்.
மாரி -2 படத்தில் இடம்பெற்றிருந்த ரவுடி பேபி பாடல் 100 கோடி பார்வையாளர்களைக் கடந்துள்ளது. அதாவது தென்னிந்திய சினிமாவில் 1 பில்லியன் பார்வையாளர்களைப் பெற்ற முதல் பாடல் என்ற சாதனை படைத்துள்ளது. இப்படத்திற்கு இசையமைத்தவர் யுவன்சங்கர் ராஜா.
இதுகுறித்து மாரி பட நாயகரும் இப்பாடலைப் பாடியவருமான நடிகர் தனுஷ், என்ன ஒரு எதிர்ப்பாரார நிகழ்வு….ரவுடு பேபி பாடல் 1 பில்லியன் பார்வையாளர்களைப் பெற்றுள்ளது. அதேநாளில் கொலைவெறி பாடல் உருவாகி 9 ஆண்டுகளாகிறது. ரவுடி பேபி பாடல் தான் தென்னிந்தியாவில் 1 பில்லியன் பார்வையாளர்களைப் பெற முதல் பாடல்.ரசிகர்களுக்கு என் இதயத்திலிருந்து நன்றியைத் தெரிவிக்கிறேன் என தெரிவித்துள்ளார்.
இதுகுறித்து யுவன் சங்கர் ராஜா தனது டுவிட்டர் பக்கத்தில், இது எனக்கு இன்ப அதிர்ச்சியாக உள்ளது. ரவுடி பேபி பாடல் மற்றுமொரு மைல்கல்லாக அமைந்து 1 பில்லியன் பார்வையாளர்களைப் பெற்றுள்ளது. எல்லோருக்கு நன்றி எனத் தெரிவித்துள்ளார்.
மேலும் வலிமை படத் தயாரிப்பாளர் போனி கபூர் தமிழ் சினிமாவில் முதன் முதலில் 1 பில்லியன் பார்வையாளர்களைப் பெற்றுள்ள ரவுடி பேபி படாலுக்கு, நேர்கொண்ட பார்வை மற்றும் வலிமை படங்களில் இசையமைப்பாளராகிய உங்களுக்கு என் வாழ்த்துகள் எனத் தெரிவித்துள்ளார்.