விஜய் டிவியில் ஒளிபரப்பாகி வரும் பிக் பாஸ் நிகழ்ச்சி விறுவிறுப்பாக சென்று கொண்டிருக்கும் நிலையில், சமீபத்தில் ஆறு போட்டியாளர்கள் பிக் பாஸ் வீட்டிற்குள் வைல்டு கார்டு என்ட்ரியாக வந்தனர் என்பதை பார்த்தோம்.
இந்த நிலையில், இந்த சீசனில் எலிமினேஷன் ஆன ஒரு போட்டியாளர் மீண்டும் பிக் பாஸ் வீட்டிற்கு போட்டியாளராக வர இருப்பதாக கூறப்படுவது திடீர் ட்விஸ்ட்டாக உள்ளது.
பிக் பாஸ் நிகழ்ச்சியின் 43 நாட்களைக் கடந்து ஒளிபரப்பாகி வரும் நிலையில், ஐம்பதாவது நாளில் ஏற்கனவே எலிமினேஷன் ஆன போட்டியாளர் ஒருவர் மீண்டும் வர உள்ளதாக தகவல் வெளியாகியுள்ளன.
16 போட்டியாளர்களுடன் தொடங்கிய இந்த நிகழ்ச்சியில் இதுவரை நான்கு போட்டியாளர்கள் வெளியேறிய நிலையில், திடீரென ஆறு போட்டியாளர்கள் உள்ளே வந்தனர். இந்த நிலையில், பிக் பாஸ் நிகழ்ச்சியிலிருந்து வெளியேறிய தர்ஷா குப்தா மீண்டும் பிக் பாஸ் வீட்டிற்கு செல்ல இருப்பதாகவும், இதனால் நிகழ்ச்சி இன்னும் சூடு பிடிக்கும் என்று கூறப்படுகிறது.
ஏற்கனவே கடந்த சீசன்களில் வனிதா விஜயகுமார் உள்பட சிலர் வெளியேற்றப்பட்டு, பின்னர் மீண்டும் பிக் பாஸ் வீட்டிற்கு வந்தனர் என்பது குறிப்பிடத்தக்கது.
