தமிழக மக்களுக்கு பொழுதுபோக்கு அம்சமாக சில வருடங்களாக பிரபல தனியார் தொலைக்காட்சியில் ஒளிபரப்பாகி வந்த பிக்பாஸ் நிகழ்ச்சியில் பங்கேற்ற கவிஞரும் பாடலாசிரியரும் நடிகருமான சிநேகன் தமிழக மக்களின் கவனத்தை ஈர்த்தார்.
இந்நிலையில், கவினர் சிநேகன் ஒரு புதிய முயற்சியில் ஈடுபடவுள்ளார். அதாவது, சிநேகம் டாக்ஸ் என்ற புதிய யூடியூப் சேனலை வரும் ஜூன் 23 ஆம் தேதி தொடங்கவுள்ளதாக தெரிவித்துள்ளார்.
இதுகுறித்து அவர் கூறும்போது, என் படைப்புகளுக்குப் பின்னாலும் அரசியல் பயணங்களுக்குப் பின்னாலும் மறைந்துகிடக்கும் ஏராளமான ரகசியங்களை மக்களுடன் சுவாரஸ்யமாகப் பகிர்ந்துகொள்ள உள்ளதாக அவர் தெரிவித்துள்ளார். மேலும் இப்புதிய முயற்சிக்கு உங்களது ஆலோசனைகளையும் அன்பையும் வழங்கவேண்டும் என கேட்டுக்கொண்டுள்ளார்.