இயக்குனர் பாலா இயக்கத்தில் வெளிவந்த ‘நான் கடவுள்’ படத்தில் ஒன்பது மாதம் நடித்த ஒரு மாற்றுத் திறனாளிக்கு இதுநாள் வரை சம்பளம் கொடுக்கப்படவில்லை என்ற தகவல் வெளியாகியிருக்கிறது.
நடிகர் ஆர்யா, பூஜா ஆகியோரின் நடிப்பில், இயக்குனர் பாலா இயக்கத்தில் உருவான திரைப்படம் ‘நான் கடவுள்’. இந்த படத்தில் ஏராளமான மாற்றுத்திறனாளிகள் நடித்திருந்தனர். இந்த படத்திற்காக பாலாவிற்கு சிறந்த இயக்குனருக்கான தேசிய விருது கிடைத்தது.
இந்த படத்தில் சாந்தி என்ற மாற்றுத் திறனாளி நடித்திருந்தார். அவரை பற்றிய ஒரு வாட்ஸ்-அப் வீடியோ சமீபத்தில் வெளியானது. சாந்தி தற்போது திருச்செந்தூர் கோவிலில் பிச்சை எடுத்துக்கொண்டிருக்கிறார்.
அவர் கூறும்போது “நான் கடவுள் படத்தில் நான் ஒன்பது மாதங்கள் நடித்தேன். ஆனால் இதுவரை எனக்கு சம்பளம் கொடுக்கப்படவில்லை. சம்பளம் தராவிட்டாலும் பரவாயில்லை. மீண்டும் சினிமாவில் நடிக்க வாய்ப்பு கிடைத்தால் கூட, அதை வைத்து நான் சமாளித்துக் கொள்வேன்” என்கிறார் சாந்தி.
அவரால் சரியாக பேச முடியவில்லை. அவருக்கு ஏன் சம்பளம் கொடுக்கப்படவில்லை என்பது தெரியவில்லை.
