கடந்த ஆண்டு வெளியான 'வடசென்னை' , 'மாரி 2' போன்ற படங்களின் வெற்றியை தொடர்ந்து ' அசுரன் ' என்ற படத்தில் தனுஷ் நடிக்கவுள்ளார். இந்த படம் வெக்கை என்ற நாவலிலிருந்து எடுக்கப்பட்டதாக கூறப்படுகிறது. இந்த படத்தின் படப்பிடிப்பு நாளை முதல் தொடங்கவுள்ளது.
இந்த நிலையில் ' அசுரன் ' படத்தின் பர்ஸ்ட் லுக் சற்றுமுன் தனுஷின் டுவிட்டர் பக்கத்தில் வெளியானது . இந்த பர்ஸ்ட்லுக்கில் தனுஷ் அசுர வேகத்தில் கையில் ஈட்டியுடன் பாய்ந்து வருவது போன்று உள்ளது . தனுஷின் இந்த அசுரப்பாய்ச்சல் பர்ஸ்ட் லுக் தற்போது சமூக வலைத்தளங்களில் வைரலாகி வருகிறது.
மேலும் இந்த படத்தில் தனுஷுடன் பிரபல மலையாள நடிகை மஞ்சுவாரியர் முக்கிய வேடத்தில் நடிக்கவுள்ளார். கலைப்புலி எஸ்.தாணு தயாரிப்பில் இந்த ஆண்டு இறுதியில் வெளியாக உள்ள இந்த படத்தை வெற்றிமாறன் இயக்கவுள்ளார். ஜி.வி.பிரகாஷ் இந்த படத்திற்கு இசையமைக்க உள்ளார்.
இந்த நிலையில் கவுதம் மேனன்- தனுஷ் கூட்டணியில் உருவாகியுள்ள மற்றொரு படமான 'எனை நோக்கி பாயும் தோட்டா' படம் இந்த ஆண்டு வெளியாகும் என எதிர்பார்க்கப்படுகிறது.