இதற்கென்ன அர்த்தம்? படத்தை போட்டு குழப்பிய அனுஷ்கா?

தமிழ், தெலுங்கு சினிமாவில் முன்னணி கதாநாயகியாக இருந்தவர் அனுஷ்கா. ரஜினிகாந்த், விஜய், அஜித்குமார், சூர்யா, விக்ரம், கார்த்தி என அத்தனை டாப் கதாநாயகர்களுடன் ஜோடி சேர்ந்து நடித்தவர். 

கடைசியாக அவர் நடித்த பாகுபலி, ருத்ரமாதேவி படங்கள் அவருக்கு பெரும் புகழை சேர்த்தது. இஞ்சி இடுப்பழகி படத்துக்காக அனுஷ்கா உடல் எடையை கூட்டினார். அதன்பிறகு அதை குறைக்க முடியவில்லை.  

இந்த நிலையில் அவர் எடை குறைப்புக்காக நார்வே சென்று இருப்பதாக கூறப்படுகிறது. சிகிச்சை முடிந்து ஹைதராபாத் திரும்பியதும் அனுஷ்கா திருமணத்தை முடிக்க இருக்கிறார்கள் அவரது குடும்பத்தினர் என்ற செய்திகள் வெளியாகியுள்ளன. 

இதனை உறுதிப்படுத்தும் விதமாக அனுஷ்கா தனது இன்ஸ்டிராகிராம் பக்கத்தில் புகைப்படம் ஒன்றை வெளியிட்டுள்ளார். ஆனால், அந்த புகைப்படத்திற்கு அவரது திருமணத்திற்கும் எந்த சம்மந்தமும் இல்லை என கூறப்பட்டாலும் அவரது ரசிகர்கள் குழப்ப நிலையிலேயே உள்ளனர்.