கண்ணன் இயக்கத்தில் அதர்வா

‘இவன் தந்திரன்’ படத்தைத் தொடர்ந்து கண்ணன் இயக்கும் படத்தில் அதர்வா ஹீரோவாக நடிக்கிறார்.

கெளதம் கார்த்திக் நடிப்பில் ‘இவன் தந்திரன்’ படத்தை இயக்கிய கண்ணன், அடுத்ததாக அதர்வா நடிப்பில் ஒரு படத்தை இயக்க இருக்கிறார். ஆக்ஷன் மற்றும் காமெடி இரண்டுமே அதர்வாவுக்கு செட்டாகும் என்பதால், அவரைத் தேர்ந்தெடுக்கிறாராம் கண்ணன். வாழ்க்கையை பிராக்டிகலாக அப்ரோச் செய்யும் இளைஞனாக இந்தப் படத்தில் நடிக்கிறாராம் அதர்வா.

வருகிற ஜனவரி மாதம் இந்தப் படத்தின் ஷூட்டிங் தொடங்க இருக்கிறது. முதலில் திருநெல்வேலியிலும், பின்னர் சென்னையிலும் ஷூட்டிங் நடக்க இருக்கிறது. தெலுங்கில் சூப்பர் ஹிட்டான ‘அர்ஜுன் ரெட்டி’ படத்துக்கு இசையமைத்த ரதன், இந்தப் படத்துக்கு இசை அமைக்கிறார்.