ரசிகர்கள் நடிகர்களை அப்படி பார்க்கதான் விரும்புகிறார்கள்… சீதாராமம் புகழ் மிருனாள் தாக்கூர்!

பாலிவுட் நடிகையான மிருனாள் தாக்கூர் சீதாராமம் திரைப்படம்  மூலமாக தென்னிந்திய ரசிகர்களுக்கு அறிமுகம் ஆனார். தெலுங்கில் உருவான அந்த திரைப்படம் தென்னிந்திய மொழிகள் அனைத்திலும் ஹிட் ஆகி ஆகியதால் ஒரே படத்தில் தென்னிந்தியா முழுவதும் பிரபலம் ஆனார்.

இதையடுத்து இப்போது அவர் நானியோடு நடிக்க உள்ள படத்துக்காக 6 கோடி ரூபாய் சம்பளம் வாங்க உள்ளதாக தகவல்கள் வெளியாகியுள்ளன. அதேபோல சிவகார்த்திகேயன் ஏ ஆர் முருகதாஸ் இணையும் படத்திலும் அவர் கதாநாயகியாக நடிக்க உள்ளதாக தகவல்கள் வெளியாகியுள்ளன.

இந்நிலையில் தற்போது அவர் மொழி தாண்டி அனைத்து விதமான சினிமாக்களிலும் நடிக்க ஆசைப்படுவதாகக் கூறியுள்ளார். அதில் “குறிப்பிட்ட மொழிக்குள் சிக்கிக்கொள்ள விருப்பமில்லை.  அனைத்து விதமான படங்களிலும் நடிக்க ஆசை. கதை மற்றும் பாத்திரங்களின் தன்மைதான் எனக்கு முக்கியமானது.

பார்வையாளர்களும் நடிகர்களை புதிய வித்தியாசமான-இதுவரை பார்க்காத வேடங்களில் பார்க்கதான் ஆசைப்படுகிறார்கள். அவர்கள் விரும்பும் கதாபாத்திரங்களில் நடிப்பதுதான் என் ஆசையும்” எனக் கூறியுள்ளார்.