ஷாருக் கானுக்கு வில்லனாகும் பிரபல பாலிவுட் நடிகர்!

பாலிவுட் சூப்பர் ஸ்டார் ஷாருக் கானுக்கு கடந்த சில ஆண்டுகள் மோசமான ஆண்டாக அமைந்தன. அவர் நடித்த எல்லா படங்களும் ப்ளாப் ஆகின. இதையடுத்து ஒரு நீண்ட பிரேக் எடுத்துக்கொண்டு இப்போது அவர் இப்போது மீண்டும் ஹிட் பாதைக்கு திரும்பியுள்ளார்.

இதையடுத்து 2023 ஆம் ஆண்டில் அவர் நடிப்பில் ரிலீஸ் ஆன பதான் மற்றும் ஜவான் ஆகிய இரண்டு திரைப்படங்களும் ஹிட்டடித்து 1000 கோடி ரூபாய்க்கு மேல் வசூல் செய்து சாதனைப் படைத்தன. இந்நிலையில் அவர் நடிப்பில் ராஜ்குமார் ஹிரானி இயக்கிய டன்கி திரைப்படமும் வெளியாகி 500 கோடி ரூபாய் அளவுக்கு வசூலித்தது.

இதையடுத்து ஷாருக் கான் ‘கிங்’ என்ற படத்தில் நடிக்க உள்ளதாக சொல்லப்படுகிறது. இந்த படத்தை சுஜாய் கோஷ் இயக்க உள்ளதாக சொல்லப்படும் நிலையில் இந்த படத்தில் ஒரு முக்கிய வேடத்தில் ஷாருக் கானின் மகள் சுஹானா கான் நடிக்க உள்ளார். இந்நிலையில் இந்த படத்தில் கதாநாயகியாக நடிக்க சமந்தா ஒப்பந்தம் ஆகியுள்ளதாக சொல்லப்படுகிறது. ஏற்கனவே ஷாருக் கானின் டன்கி படத்தில் சமந்தா நடிக்க இருந்து பின்னர் உடல்நலப் பிரச்சனைகள் காரணமாக வெளியேறினார் என்பது குறிப்பிடத்தக்கது.

இந்நிலையில் இந்த படத்தில் பாலிவுட் நடிகர் அபிஷேக் பச்சன் வில்லனாக நடிக்க உள்ளதாக தகவல்கள் வெளியாகியுள்ளன. இதை எக்ஸ் தளத்தில் உறுதிப்படுத்தியுள்ள அமிதாப் பச்சன் ”வாழ்த்துகள் அபிஷேக். இதுதான் சரியான நேரம்” எனக் கூறியுள்ளார்.