அமெரிக்க ஓபன்: சானியா மிர்சா முதல் சுற்றில் தோல்வி

அமெரிக்க ஓபன் டென்னிஸ் கிராண்ட் ஸ்லாம் ஒற்றையர் பிரிவில் இந்தியாவின் சானியா மிர்சா முதல் சுற்றிலேயே தோல்வி தழுவி வெளியேறினார்.

இஸ்ரேல் வீராங்கனையும், சானியாவின் முந்தைய இரட்டையர் டென்னிஸ் ஜோடியுமான ஷாஹர் பியர், சானியா மிர்சாவை 6- 7, 6- 3, 6- 1 என்ற செட் கணக்கில் வீழ்த்தி இரண்டாவது சுற்றுக்கு முன்னேறினார்.

சானியாவின் பலவீனமான சர்வே இன்றும் வீழ்ச்சிக்குக் காரணமானது. சானியாவின் சர்வ்களை 7 முறை பியர் முறியடித்தார். மேலும் சானியா மிர்சா 9 டபுள் பால்ட்களையும், 49 முறை ஆட்டத்தில் தவறுகளையும் செய்தார்.

ஆனால் இரட்டையர் பிரிவில் இந்தியாவின் மகேஷ் பூபதி, லியாண்டர் பயஸ் ஜோடியும், ரோஹண் போபண்ணா மற்றும் அவரது பாகிஸ்தானிய ஜோடியுமான குரேஷியும் இரண்டாவது சுற்றுக்கு முன்னேறியுள்ளனர்.