இந்தோனேஷியன் ஓபன் சூப்பர் தொடர் பேட்மின்டன் ஒற்றையர் காலிறுதிச் சுற்றுக்கு இந்திய நட்சத்திர வீராங்கனை சாய்னா நேவால் தகுதி பெற்றார்.
பெட்யா நெடல்சேவா என்ற வீராங்கனையை 31 நிமிடங்களில் 21- 18, 21- 9 என்ற நேர் செட்களில் வீழ்த்தினார் சாய்னா.
முதல் செட்டில் 6- 2 என்று முன்னிலை பெற்றிருந்தார் சாய்னா ஆனால் பல்கேரிய வீராங்கனை அதன் பிறகு சிறப்பாக விளையாடி 12- 12 என்று சமன் செய்தார். ஆனால் இறுதியில் சாய்னா அபாரமாக ஆடி வெற்றி பெற்றார்.
இரண்டாவது செட்டில் 5- 2 என்று முன்னிலை பெற்றிருந்த சாய்னா சில அபாரமான ஆட்டத்தினால் இடைவெளியை அதிகப்படுத்திக் கொண்டே சென்றார்.
2009, 2010 ஆம் ஆண்டுகளில் இந்தோனேஷியன் ஓபன் பட்டம் வென்று சாதனை படைத்துள்ளார் சாய்னா, இதனையும் வென்றால் ஹேட்ரிக் சாதனை புரிந்தவர் ஆவார்.