விம்பிள்டன் தரவரிசைகளில் நடால், சஃபீனாவிற்கு முதலிடம்

விம்பிள்டன் கிராண்ட் ஸ்லாம் டென்னிஸ் தொடருக்கான தரவரிசைப் பட்டியல் அறிவிக்கப்பட்டுள்ளன. இதில் கடந்த ஆண்டு சாம்பியனான ரஃபேல் நடாலுக்கும், முதன்மை ரஷ்ய வீராங்கனை தினாரா சஃபீனாவிற்கும் முதலிடம் வழங்கப்பட்டுள்ளது.

வரும் திங்களன்று துவங்கும் இந்த டென்னிஸ் கிராண்ட் ஸ்லாம் திருவிழாவிற்கான தரவரிசை அறிவிப்பில் பெரிய அதிர்ச்சி ஒன்றும் இல்லை.

உலகத் தரவரிசைப் புள்ளிகளுடன் பெரும்பாலும் அனுசரித்தே விம்பிள்டன் தரவரிசைகள் அறிவிக்கப்படுகின்றன.

ரோஜர் ஃபெடரருக்கு 2-வது தரவரிசையும், பிரிட்டன் வீரர் ஆண்டி முர்ரேயிற்கு 3-வது இடமும் வழங்கப்பட்டுள்ளது.

முதல் சுற்றுப்போட்டிகள் யார் யாரிடையே நடைபெறும் என்ற விவரம் வரும் வெள்ளிக்கிழமை வெளியிடப்படுகிறது.