அரையிறுதியில் ஃபெடரர், முர்ரே!

மேட்ரிட்: ஸ்பெயினில் நடைபெறும் மேட்ரிட் மாஸ்டர்ஸ் டென்னிஸ் தொடர் ஒற்றையர் அரையிறுதியில் யு.எஸ். ஓபன் இறுதிப் போட்டியாளர்களான சுவிஸ் வீரர் ரோஜர் ஃபெடரரும், பிரிட்டன் வீரர் ஆன்டி முர்ரேயும் மோதுகின்றனர்.

காலிறுதிப் போட்டியில் அர்ஜென்டீனா வீரர் டெல் போர்ட்டோவை ரோஜர் ஃபெடரர் 6- 3, 6- 3 என்ற நேர் செட்களில் ஊதித் தள்ளினார்.

இந்த ஆண்டு சிறப்பான டென்னிஸ் ஆட்டத்தை வெளிப்படுத்தி வரும் பிரிட்டன் வீரர் ஆன்டி முர்ரே காலிறுதியில் பிரான்ஸ் வீரர் மான்ஃபில்ஸ் என்பவரை 6- 2, 6- 2 என்ற செட்களில் வெற்றி பெற்று அரையிறுதியில் ஃபெடரரை சந்திக்கிறார்.

மற்ற காலிறுதிப் போட்டிகளில் உலகின் முன்னணி வீரர் ரஃபேல் நடால் சக வீரர் ஃபெலிசியானோ லோபஸை சந்திக்கிறார். பிரான்ஸின் கில் சிமோன் குரேஷிய வீரர் இவொ கார்லோவிச்சை சந்திக்கிறார்.