பேட்மிண்டன்: இந்தியாவின் சைனா அரையிறுதியில்!

சிங்கப்பூரில் நடைபெற்றுவரும் சர்வதேச ஓபன் பேட்மிண்டன் போட்டியின் அரையிறுதிக்கு இந்தியாவின் தேச சாம்பியன் சைனா நேவால் முன்னேறியுள்ளார்.

பீஜிங் ஒலிம்பிக் போட்டிகளுக்குத் தகுதி பெற்றுள்ள சைனா நேவால், இன்று நடந்த காலிறுதிப் போட்டியில் இந்தோனேசியாவின் ஃபிர்டாசாரி அட்ரியாண்டியை 21-16, 20-22, 21-16 என்ற செட்கள் கணக்கில் வென்றார்.

முதல் செட்டில் மிகத் திறமையாக ஆடி வென்ற சைனா, இரண்டாவது செட்டில் கடுமையாகப் போராடித் தோற்றார். ஆனால் மூன்றாவது செட்டில் மிக சிறப்பாக ஆடி 21-16 என்ற புள்ளிகள் கணக்கில் வென்றார்.

அரையிறுதியில், ஏதன்ஸ் ஒலிம்பிக் போட்டியில் வெங்கல பதக்கம் வென்ற சீன வீராங்கனை மீ ஜாவ்- உடன் மோதுகிறார்.