பேட்மின்டன்: 2வது சுற்றிலும் சாய்னா வெற்றி!

PTI Photo FILE

பீஜிங் ஒலிம்பிக்கின் மகளிர் பேட்மின்டன் 2வது சுற்றுப் போட்டியில் இந்தியாவின் சாய்னா நேவால், உக்ரைன் வீராங்கனையை வீழ்த்தி காலிறுதிக்கு முந்தைய சுற்றுக்கு முன்னேறியுள்ளார்.

இன்று நடந்த இப்போட்டியில் உக்ரைனின் லரிஸா கிரிக்யாவுடன் மோதிய சாய்னா, முதல் செட்டை 21-18 என்ற புள்ளிக்கணக்கில் போராடி கைப்பற்றினார். 2வது செட் ஆட்டத்தில் சாய்னா சிறப்பாக விளையாடியதால் 21-10 என்ற புள்ளிக் கணக்கில் அதனை எளிதாக கைப்பற்றி, 2-0 என்ற நேட் செட்களில் வென்றார்.

இந்த வெற்றியின் மூலம் காலிறுதிக்கு முந்தைய சுற்றுக்கு முன்னேறியுள்ள சாய்னா, ஹாங்காங் வீராங்கனை சென்-வாங், ஸ்லோவக்கியாவின் இவா ஸ்லடிகோவா இடையிலான 2வது சுற்றுப்போட்டியில் வெற்றி பெறுபவரை எதிர்த்து விளையாட உள்ளார்.