கேப்டவுன் டெஸ்ட் கிரிக்கெட் போட்டியில் இந்தியா சற்று முன் திராவிட் விக்கெட்டை இழந்தது. அவர் 31 ரன்கள் எடுத்து சொட்சொபி பந்தில் ஆட்டமிழந்தார். இந்தியா தன் இரண்டாவது இன்னிங்சில் 2 விக்கெட் இழப்புக்கு 106 ரன்கள் எடுத்துள்ளது.
கம்பீருடன் சேர்ந்து 79 ரன்களைச் சேர்த்த் திராவிட், சொட்சொபி ரவுண்ட் த விக்கெட்டில் வீசிய அந்த ஷாட் ஆஃப் லெந்த் பந்தை முன்னால் வந்து தொட்டார். தேவையில்லாத ஷாட். பந்து மட்டையின் விளிம்பில் பட்டு ஸ்லிப் திசையில் பிரின்சிடம் சென்றது.
கம்பீர் 9 பவுண்டரிகளுடன் 62 ரன்கள் எடுத்து விளையாடி வருகிறார். சச்சின் டெண்டுல்கர் களமிறங்கியுள்ளார்.
