கேப்டவுன் டெஸ்ட் கிரிக்கெட் போட்டியில் இந்தியா 3ஆம் நாளான இன்று சற்று முன் வரை 2 விக்கெட் இழப்பிற்கு 198 ரன்கள் எடுத்துள்ளது.
சச்சின் டெண்டுல்கர் 10 பவுண்டரிகளுடன் 77 ரன்களுடனும், கௌதம் கம்பீர் 13 பவுண்டரிகளுடன் 89 ரன்களுடனும் விளையாடி வருகின்றனர்.
இருவரும் இணைந்து இதுவரை 3-வது விக்கெட்டுக்காக 170 ரன்களைச் சேர்த்துள்ளனர்.
முதல் ஓவரை டேல் ஸ்ட்யென் அபாரமாக வீசி 3 முறை டெண்டுல்கரை கடும் நெருக்கடிக்குள்ளாக்கினார்.
அதன் பிறகு டெண்டுல்கர் நிலையான ஆட்டத்தை வெளிப்படுத்தத் தொடங்கினார். அபாரமான கவர் டிரைவ்களையும், ஸ்ட்ரெய்ட் டிரைவையும் அவர் விளையாடினார்.
கம்பீர் நிதானமாக ஆடி வருகிறார்.
