யூனுஸ் கான் மீதான தடை நீக்கம்

பாகிஸ்தான் கிரிக்கெட் வாரியம் முன்னாள் கேப்டன் யூனுஸ் கான் மீது விதித்திருந்த காலவரையரையற்ற தடையை பாகிஸ்தான் கிரிக்கெட் வாரிய தீர்ப்பாய ஓய்வு பெற்ற நீதிபதி இர்ஃபான் காதிர் நீக்கம் செய்தார்.

விசாரணைக்குப் பிறகு யூனுஸ் கான் மீதான தடைக்கு எந்த வித அடிப்படையும் இல்லை என்று தெரிவித்துள்ளார்.

" இந்தத் தடை உத்தரவை வாரியம் எந்த வித நடைமுறையையும் பின்பற்றாமல் பிறப்பித்தது." அதனால் தடையை நீக்கம் செய்வதாக அவர் அறிவித்துள்ளார்.

தடை செய்யப்பட்ட மற்றொரு முன்னாள் கேப்டன் மொகமட் யூசுப் சர்வதேச கிரிக்கெட்டிலிருந்து ஓய்வு அறிவித்தார்.

ஆனால் அவரும் தனது சொந்த வருத்தங்களைக் களைந்து விட்டு மேல் முறையீடு செய்து தன் மீதுள்ள பழியைப் போக்க முயற்சிக்க வேண்டும் என்று நீதிபதி காதிர் தெரிவித்துள்ளார்.