சாம்பியன்ஸ் கோப்பை கிரிக்கெட் முதல் அரை இறுதி போட்டி செஞ்சூரியனில் உள்ள விளையாட்டு மைதானத்தில் இன்று நடக்கிறது. இதில் ஆஸ்திரேலியா- இங்கிலாந்து அணிகள் மோதுகின்றன.
ஒரு நாள் போட்டி தரவரிசையில் தென்ஆப்பிரிக்கா 126 புள்ளிகளுடன் முதலிடத்தில் இருந்தது. அது சாம்பியன் கோப்பை போட்டியில் இலங்கை, இங்கிலாந்திடம் தோற்றதால் புள்ளிகள் 121 ஆனது. இதனால் அது 3-வது இடத்துக்கு தள்ளப்பட்டது. தற்போது ஆஸ்திரேலியா முதலிடத்திலும் இந்தியா 2-வது இடத்திலும் உள்ளன.
ஆஸ்திரேலியா 126 புள்ளிகளுடனும் இந்தியா 124 புள்ளிகளுடனும் பட்டியலில் உள்ளன. இன்று ஆஸ்திரேலியா தோற்றால் 2 புள்ளிகள் குறைந்து 124 ஆகி விடும்.
இரு அணிகளும் சம புள்ளிகள் பெற்றிருக்கும். ஆனால் விகிதாச்சார கணக்கின்படி இந்தியா முதலிடத்துக்கு வந்து விடும். எனவே அரையிறுதிப் போட்டியில் ஆஸ்ட்ரேலியா தோற்றால் இந்தியாவுக்கு இப்படி ஒரு பலன் கிடைக்கும் வாய்ப்பு உள்ளது.