கங்கூலிக்கு பங்கா ரத்னா விருது

இந்திய முன்னாள் அணித் தலைவர் சௌரவ் கங்கூலிக்கு ரோட்டரி இன்டெர்னேஷனல் டிஸ்ட்ரிக்ட் அமைப்பு பங்கா ரத்னா விருதை வழங்கி கௌரவித்தது.

கிரிக்கெட் ஆட்டத்தின் மூலம் வங்காள மாநிலத்திற்கு அவர் புகழ் சேர்த்தமையால் இந்த கௌரவ விருது அவருக்கு அளிக்கப்படுவதாக அந்த அமைப்பை சேர்ந்த ஜி.எம்.கபூர் தெரிவித்தார்.

இந்த விருது வங்காள மாநிலத்தின் தனிச் சிறப்பான நபருக்கு வழங்கப்படுவது வழக்கம், இம்முறை இந்த விருதிற்கு தன்னை தேர்வு செய்திருப்பது வாழ்வின் முக்கியமான பொக்கிஷமாக கருதுகிறேன் என்று கங்கூலி இந்த விருது பற்றி குறிப்பிடுகையில் கூறினார்.

அதே போல் நடிகை நந்திதாதாசிற்கு 'பங்கா சம்மான்' விருது அளிக்கப்பட்டுள்ளது.