இந்திய நட்சத்திர வீரர் சச்சின் டெண்டுல்கர் ஒரு போதும் சொந்த சாதனைகளுக்காக விளையாடுபவர் அல்ல என்று அவரது பால்ய ஸ்னேகிதரும் இந்திய முன்னாள் வீரருமான வினோத் காம்ப்ளி கூறியுள்ளார்.
"சச்சின் கிரிக்கெட்டிற்காக வாழ்பவர், அவர் ஒரு போதும் சாதனைகள் பற்றி சிந்திப்பதில்லை, அவர் கிரிக்கெட் விளையாட்டை மகிழ்ச்சியுடன் விளையாடுகிறார், சாதனைகளை முறியடிப்பதற்காக தன்னை ஒரு போதும் அழுத்தத்திற்கு ஆளாக்கக் கூடியவர் அவர் அல்ல" என்று கூறியுள்ளார் வினோத் காம்ப்ளி.
துணைக் கண்டத்தில் நடைபெறும் 2011 ஆம் உலகக் கோப்பை போட்டிகளில் சச்சின் விளையாடவேண்டும் என்றார் காம்ப்ளி, உலகக் கோப்பை வென்ற பிறகே அவர் ஓய்வு அறிவிக்க வேண்டும் என்று கூறினார் காம்ப்ளி.
