சர்வதேச ஒரு நாள் போட்டிகளில் இந்தியாவின் சச்சின் டெண்டுல்கர் 15,000 ரன்களை எடுத்து புதிய சாதனை படைத்துள்ளார்!
தென் ஆப்ரிக்க அணிக்கு எதிராக அயர்லாந்தின் பெல்ஃபாஸ்டில் நகரில் தற்பொழுது நடைபெற்றுக் கொண்டிருக்கும் ஒரு நாள் போட்டியில் அரை சதத்தை எட்டியபோது, ஒரு நாள் போட்டிகளில் 15,000 ரன்களையும் சச்சின் எட்டிவிட்டார்.
387 ஒரு நாள் போட்டிகளில் விளையாடியுள்ள சச்சின் டெண்டுல்கர், 41 சதங்களுடனும், 79 அரை சதங்களுடனும் இவ்வளவு ரன்களைக் குவித்து மேலும் ஒரு உலக சாதனையை உருவாக்கியுள்ளார்.
சச்சின் டெண்டுல்கரின் இன்னிங்ஸ் சராசரி 44.10 ரன்களாகும்.