விராட் கோலி, உடற்பயிற்சி கூடத்தில் பயிற்சி செய்வது போல் ஒரு விடியோவை வெளியிட்டிருகிறார்.
மேற்கிந்திய தீவுகளுக்கு எதிரான முதல் டெஸ்ட்டில் இந்தியா 92 ரன் வித்தியாசத்தில் அபார வெற்றி பெற்றது. இரண்டாவது டெஸ்ட் போட்டி ஜமைக்கா நாட்டின், கிங்ஸ்டன் நகரில் நடக்க உள்ளது. ஆன்டிகுவா தொடரில் இரட்டை சதம் அடித்து இந்தியாவின் வெற்றிக்கு பக்கபலமாக இருந்த இந்திய கேப்டன் விராட் கோலி கிங்ஸ்டன் தொடரிலும் சிறப்பான ஆட்டத்தை வெளிப்படுத்த கடுமையான உடற்பயிற்சி மேற்கொண்டு வருகிறார். அவர் உடற்பயிற்சி செய்வது போன்ற வீடியோவை இன்ஸ்டாகிராமில் வெளியிட்டு இருக்கிறார். அதில் அவர் இருபுறமும் 10 கிலோ தகடுகள் பொருத்தப்பட்ட பளு தூக்கும் கம்பியை தூக்கி பயிற்சி செய்கிறார். 27 வயதான வீராட் கோலி, உடற்பயிற்சி தான் தனது வெற்றிக்கு காரணம் என நம்புகிறார்.
2002 ஆம் ஆண்டு அக்டோபர் மாதத்திலிருந்து, இதுவரை ஒரு டெஸ்ட் தொடரிலும் இந்தியாவை மேற்கிந்திய தீவுகள் அணி வீழ்தியதே இல்லை. இந்த டெஸ்ட் தொடரில் இந்தியாவை வீழ்த்த கடுமையான பயிற்சியில் மேற்கிந்திய தீவுகள் அணி ஈடுபட்டிருகின்றன.