இந்திய கிரிக்கெட் அணியை 200 சர்வதேச கிரிக்கெட் போட்டிகளில் வழி நடத்தி சென்ற மூன்றாவது கேப்டன் என்ற மைல்கல்லை எட்டினார் விராட் கோலி.
இந்தியா மற்றும் இங்கிலாந்து அணிகளுக்கு இடையே நேற்று நடைபெற்ற மூன்றாவது ஒருநாள் போட்டியில் இங்கிலாந்து அணி டாஸ் வென்றதை அடுத்து இந்திய அணி முதலில் பேட்டிங் செய்து 329 ரன்கள் எடுத்தது. 330 என்ற இலக்கை நோக்கி விளையாடிய இங்கிலாந்து அணி வெற்றி பெற கடைசி ஓவரில் 14 ரன்கள் மட்டுமே தேவை என்ற நிலை இருந்தது.
கடைசி ஓவரை நடராஜன் வீச அந்த ஓவரில் 7 ரன்கள் மட்டுமே இங்கிலாந்து அணியால் எடுக்கப்பட்டதால் இந்திய அணி 7 ரன்கள் வித்தியாசத்தில் அபாரமாக வெற்றி பெற்றது. இந்நிலையில், இந்த போட்டிக்கு பின்னர் இந்திய கிரிக்கெட் அணியை 200 சர்வதேச கிரிக்கெட் போட்டிகளில் வழி நடத்தி சென்ற மூன்றாவது கேப்டன் என்ற மைல்கல்லை எட்டினார் விராட் கோலி.
ஆம், அவரது தலைமையில் இந்திய அணி 127 போட்டிகளில் வெற்றி பெற்றுள்ளது. ஒருநாள், டி20 மற்றும் டெஸ்ட் என மூன்று விதமான கிரிக்கெட் போட்டிகளும் இதில் அடங்கும். முன்னாள் கேப்டன் மகேந்திர சிங் தோனி 332 போட்டிகளில் இந்திய கிரிக்கெட் அணியை வழி நடத்தியுள்ளார். அதே போல அசாருதீன் 221 போட்டிகளில் இந்தியாவை வழி நடத்தி உள்ளார் என்பது குறிப்பிடத்தக்கது.