ஐபிஎல் கிரிக்கெட் போட்டி தொடரின் நேற்றைய போட்டியில் ஐதராபாத் அணி எந்தவித டென்ஷனும் இல்லாமல் டெல்லி அணியை 15 ரன்கள் வித்தியாசத்தில் வீழ்த்தியது.
முதலில் டாஸ் வென்ற ஐதராபாத் அணி பேட்டிங் செய்ய முடிவெடுத்து களத்தில் இறங்கியது. கேப்டன் வார்னர் 4 ரன்களில் அவுட் ஆகிவிட்டாலும் தவான் மற்றும் வில்லியம்சன் பொறுப்பாக விளையாடியதால் ஸ்கொர் 20 ஓவர்களில் 191 என்று உயர்ந்தது. வில்லியம்சன் 51 பந்துகளில் 5 சிக்ஸர்கள் உள்பட 89 ரன்கள் அடித்தார்.
192 ரன்கள் எடுத்தால் வெற்றி என்ற இலக்குடன் களமிறங்கிய டெல்லி அணி, 20 ஓவர்களில் 5 விக்கெட்டுக்களை இழந்து 176 ரன்கள் மட்டுமே எடுத்து தோல்வி அடைந்தது. எஸ்.எஸ்.ஐயர் 50 ரன்களும், சாம்சன் 42 ரன்களும் எடுத்தனர்.
இந்த போட்டியில் பெற்ற வெற்றியால் ஐதராபாத் அணி முதலிடத்தை நெருங்கிவிட்டது. கொல்கத்தா மற்றும் ஐதராபாத் தலா 8 புள்ளிகளை பெற்றிருந்தாலும், ரன்ரேட் அடிப்படையில் தற்போது இரண்டாவது இடத்தில் ஐதராபாத் உள்ளது.