பெங்களூர் அணிக்கு யாராவது ஞாபகப்படுத்துங்கள்! இது 20-20 மேட்ச்

ஐபிஎல் கிரிக்கெட் போட்டி தொடரின் நேற்றைய ஆட்டத்தில் டெஸ்ட் மேட்ச் போல மிகவும் மெதுவாக விளையாடிய பெங்களூர் அணி 27 ரன்கள் வித்தியாசத்தில் தோல்வி அடைந்தனர். இதனால் பெங்களூர் ரசிகர்கள் கடும் அதிருப்தியில் உள்ளனர்.

நேற்றைய போட்டி பெங்களூர் சின்னச்சாமி மைதானத்தில் பெங்களூர் மற்றும் புனே அணிகள் மோதின. முதலில் பேட்டிங் செய்த புனே அணி 20 ஓவர்களில் 8 விக்கெட்டுக்களை இழந்தௌ 161 ரன்கள் எடுத்தன

விராத் கோஹ்லி, வாட்சன், டிவில்லியர்ஸ் ஆகிய சூப்பர் பேட்ஸ்மேன் உள்ள பெங்களூர் அணி இந்த ஸ்கோரை எளிதில் எட்டிவிடும் என்றே எதிர்பார்க்கப்பட்டது. ஆனால் பெங்களூர் பேட்ஸ்மேன்களின் மெதுவான ஆட்டம் மற்றும் சரியான இடைவெளியில் விழுந்த விக்கெட்டுக்கள் காரணமாக அந்த அணி 20 ஓவர்களில் 9 விக்கெட்டுக்களை இழந்து வெறும் 134 ரன்களே எடுத்து தோல்வி அடைந்தது. இதனால் புனே அணி 27 ரன்கள் வித்தியாசத்தில் வெற்றி பெற்றது. 3 விக்கெட்டுக்களை வீழ்த்திய புனே அணியின் ஸ்டோக்ஸ் ஆட்டநாயகன் விருதினை பெற்றார்.