இ சாலா கப் நமதே…. புள்ளிப் பட்டியலில் பெங்களூர் அணி முன்னேற்றம்!

ஐபிஎல் தொடரில் இதுவரை கோப்பையே வெல்லாத அணிகளில் பெங்களுர் அணியும் ஒன்று.

எத்தனையோ திறமையான வீரர்கள் இருந்தும் ஐபிஎல் கோப்பை வெல்லாத அணியாக ராயல் சேலஞ்சர்ஸ் பெங்களூர் இருந்து வருகிறது. இதனால் சமூகவலைதளங்களில் அந்த அணியை ரசிகர்கள பலரும் கேலி செய்வது வாடிக்கை. அந்த அணியின் கேப்டன் சொன்ன இ சாலா கப் நமதே (இந்த ஆண்டு கோப்பை நமக்கே) என்பதை வைத்தே ஆர் சி பி அணி அதிகமாக கேலி செய்யப்பட்டது.

ஆனால் இந்த ஆண்டு தொடக்கத்தில் சிறப்பாக விளையாடி வரும் ஆர்சிபி இப்போது புள்ளி பட்டியலில் மூன்றாம் இடத்தில் உள்ளது. இதுவரை 3 போட்டிகள் விளையாடி அதில் இரண்டில் வெற்றியும் ஒன்றில் தோல்வியும் அடைந்துள்ளது. முதல் இடத்தில் தில்லி அணியும், இரண்டாம் இடத்தில் ராஜஸ்தான் அணியும் உள்ளன. சென்னை அணி ஏழாவது இடத்தில் உள்ளது.