கேப்டன் வில்லியம்சன் அபார பேட்டிங்.. இலக்கை நெருங்கி வரும் நியூசிலாந்து
இந்தியா மற்றும் நியூசிலாந்து அணிகளுக்கு இடையே முதலாவது ஒருநாள் கிரிக்கெட் போட்டி இன்று நடைபெற்று வரும் நிலையில் இந்திய அணி முதலில் பேட்டிங் செய்து 50 ஓவர்களில் 7 விக்கெட் இழப்பிற்கு 306 ரன்கள் எடுத்து இருந்தது என்பதை பார்த்தோம்.
இந்த நிலையில் 307 என்ற இலக்கை நோக்கி தற்போது நியூசிலாந்து அணி விளையாடி வரும் வழியில் முதலில் ஒரு சில விக்கெட்டுகளை இழந்தாலும் கேப்டன் வில்லியம்சன் மற்றும் டாம் லாதம் ஆகிய இருவரும் அபாரமாக பேட்டிங் செய்து வருகின்றனர்
சற்று முன் வரை வில்லியம்சன் 67 ரன்கள் எடுத்து விளையாடி வருகிறார் என்பதுன்ம் டாம் லாதம் 50 ரன்கள் எடுத்துள்ளார் என்பதும் குறிப்பிடத்தக்கது. இந்த நிலையில் நியூசிலாந்து அணி தற்போது 34 ஓவர்களில் 3 விக்கெட் இழப்பிற்கு 180 ரன்கள் எடுத்திருந்த நிலையில் இன்னும் 127 ரன்கள் மட்டுமே இலக்கை அடைய தேவை என்பதும் இன்னும் 16 ஓவர்கள் மீதம் உள்ளது என்பது குறிப்பிடத்தக்கது
306 ரன்கள் அடித்து இருந்தாலும் இந்த போட்டியில் இந்தியா வெல்வது சவாலான காரியமே என எதிர்பார்க்கப்படுகிறது