சர்வதேச பீடே ரேட்டிங் செஸ் போட்டியில் சென்னை வீரர் சரவண கிருஷ்ணன் சாம்பியன் பட்டம் வென்றுள்ளார்.
செயின்ட் ஜோசப்ஸ் 6-வது சர்வதேச பீடே ரேட்டிங் செஸ் போட்டி சோழிங்கநல்லூரில் உள்ள செயின்ட் ஜோசப்ஸ் தொழில்நுட்ப கல்லூரியில் நடந்தது. இதில் கரூர் வைஷ்யா வங்கியை சேர்ந்த சரவண கிருஷ்ணன் 8.5 புள்ளிகள் பெற்று சாம்பியன் பட்டத்தை வென்றுள்ளார். பிரசன்னா 8 புள்ளிகள் பெற்று 2-வது இடத்தையும், பூபாலன் 7.5 புள்ளிகள் பெற்று 3-வது இடத்தையும் பிடித்தனர்.
கிராண்ட் மாஸ்டர் தீபன் சக்கரவர்த்தி சிறப்பு விருந்தினராக கலந்து கொண்டு பரிசுகளை வழங்கினார். தொடர்ந்து 2-வது முறையாக சாம்பியன் பட்டம் வென்ற சரவண கிருஷ்ணனுக்கு ரூ.40 ஆயிரம் பரிசு தொகை வழங்கப்பட்டது. 2-வது இடத்துக்கு ரூ.30 ஆயிரமும், 3-வது இடத்துக்கு ரூ.20 ஆயிரமும் வழங்கப்பட்டது.