ஆசியக் கோப்பை ஹாக்கி சாம்பியன்ஷிப் அரையிறுதியில் இந்திய அணி ஜப்பான் அணியுடன் மோத இருக்கிறது.
மஸ்கட்டில் ஆசியக் கோப்பை ஹாக்கி சாம்பியன்ஷிப் போட்டி நடைபெற்று வருகிறது. இந்த போட்டியில் இந்தியா, பாகிஸ்தான், மலேசியா, தென்கொரியா, ஜப்பான், ஓமன் உள்ளிட்ட 6 அணிகள் பங்கேற்றிருக்கின்றன. இதுவரை விளையாடிய ஆட்டங்களில் இந்திய அணி 5 மேட்சில் வெற்றிபெற்றுள்ளது.
அரையிறுதியில் இந்திய அணி யாருடன் மோத போகிறார்கள் என்ற குழப்பம் இருந்தது. இதனிடையே நேற்று ஜப்பான் அணி ஓமனை எதிர்கொண்டு 5 - 0 என்ற கோல் கணக்கில் வெற்றி பெற்று அரையிறுதியில் இந்தியாவுடன் மோதும் வாய்ப்பை பெற்றுள்ளது.
இரண்டு அணிகளுமே வலுவான அணி என்பதால் நாளை நடைபெற உள்ள இந்த அரையிறுதி ஆட்டத்தில் யார் வெற்றிப்பெறப் போகிறார்கள் என்பதை அறிய ரசிகர்கள் ஆவலாக காத்துக்கொண்டிருக்கின்றனர்.