டில்லியில் நடந்து வரும் எட்டாவது ஆசிய ஏர்கன் துப்பாக்கி சுடுதல் போட்டியில் இந்திய வீராங்கனை ஹீனா சித்து தங்கப்பதக்கம் வென்றுள்ளார்.
டெல்லியில், எட்டாவது ஆசிய ஏர்கன் துப்பாக்கி சுடுதல் சாம்பியன்ஷிப் போட்டி நடந்து வருகிறது. இன்று நடந்த 10 மீட்டர் ஏர் பிஸ்டல் போட்டியில் இந்தியாவின் ஹீனா சித்து தங்கப் பதக்கமும், ஸ்வேதா சிங் வெள்ளியும் வென்று சாதனை படைத்துள்ளனர்.
இன்று நடந்த பெண்களுக்கான 10 மீட்டர் ஏர் பிஸ்டல் போட்டியில், இந்தியாவின் ஹீனா சித்து 197.8 புள்ளிகளுடன் முதல் இடம் பெற்று தங்கப் பதக்கம் வென்றார். இதே பிரிவில் மற்றொரு இந்திய வீராங்கனையான ஸ்வேதா சிங் 197 புள்ளிகளுடன் வெள்ளி பதக்கம் வென்றார்.