உலகக்கோப்பை கால்பந்து போட்டியில் இன்று நடைபெற்ற காலிறுதி போட்டியில் இங்கிலாந்து மற்றும் சுவீடன் அணிகள் மோதின. இந்த போட்டியின் 30-வது நிமிடத்தில் இங்கிலாந்து அணிக்கு கிடைத்த கார்னர் வாய்ப்பை பயன்படுத்தி அந்த அணியின் அஷ்லே யங் கோலாக மாற்றினார். இதனால் முதல் பாதியில் இங்கிலாந்து 1-0 என்ற கோல் கணக்கில் முன்னிலைப் பெற்றது.
போட்டியின் 2-வது பாதியில் இரு அணிகளும் ஆக்ரோஷமாக ஆடினர். இரு அணி வீரர்களும் கோல் அடிக்க போராடிய நிலையில் ஆட்டத்தின் 59-வது நிமிடத்தில் வலது கார்னர் பக்கத்தில் இருந்து அடித்த பந்தை இங்கிலாந்து அணியின் லிங்கார்டு தலையால் முட்டி கோல் அடிக்கும் வகையில் தூக்கி அடித்தார். அதை டேல் அலி தலையால் முட்டி கோலாக்கியதால் இங்கிலாந்து 2-0 என முன்னிலைப் பெற்றது.
அதன்பின்னரும் இங்கிலாந்து அணி தடுப்பாற்றத்தை ஆடாமல் மேலும் கோல் அடிக்கும் வகையில் அட்டாக் ஆட்டத்தில் ஈடுபட்டனர். இறுதியில் இங்கிலாந்து அணி 2-0 என்ற கோல் கணக்கில் வெற்றி பெற்று அரையிறுதிக்கு தகுதி பெற்றது. 28 வருடங்களுக்கு பின்னர் இங்கிலாந்து அணி உலகக்கோப்பை கால்பந்து போட்டியில் அரையிறுதிக்குள் நுழைகிறது என்பது குறிப்பிடத்தக்கது.