நள்ளிரவில் வெளியாகும் ஆரம்பம் ட்ரெய்லர்
, செவ்வாய், 17 செப்டம்பர் 2013 (14:05 IST)
அஜீத்தின் ஆரம்பம் படத்தின் ட்ரெய்லரை செப்டம்பர் 19 வெளியிடுகின்றனர்.
ஆரம்பம் படம் தீபாவளிக்கு வெளியாவது உறுதி செய்யப்பட்டு திரையரங்குகள் புக்கிங் நடந்து வருகிறது. கோயம்புத்தூரில் 15 திரையரங்குகளில் ஆரம்பம் வெளியாகிறது. இதுவரை எந்திரன் மட்டுமே இங்கு 15 திரையரங்குகளில் வெளியானது. இப்போது ஆரம்பம்.படத்தின் ஆடியோ செப்டம்பர் 19 கடைகளில் கிடைக்கும். ஆடியோ வெளியீட்டு விழா என்று எதுவுமில்லாமல் நேராக சிடி-கள் கடைகளுக்கு வந்துவிடும். ஆரம்பம் படத்தின் டீஸர் மட்டுமே வெளியிட்டிருந்தார்கள்.
ஆடியோ வெளியாகும் அதேநாள் ஆன்லைனில் ட்ரெய்லரையும் வெளியிடுகின்றனர். செப்டம்பர் 18ஆம் தேதி நள்ளிரவு இந்த ட்ரெய்லர் வெளியாகும்.