இன்று இரவு தமிழகத்தில் உள்ள 8 மாவட்டங்களில் இடி மின்னலுடன் கூடிய மிதமான மழை முதல் கனமழை பெய்யும் என சென்னை வானிலை ஆய்வு மையம் எச்சரிக்கை விடுத்துள்ளது.
வடகிழக்கு பருவமழை காரணமாக, தமிழகம் முழுவதும் பரவலாக கடந்த சில நாட்களாக மழை பெய்து வருகிறது. குறிப்பாக, டெல்டா மாவட்டங்களிலும் தென் மாவட்டங்களிலும் அதிக கனமழை பெய்து வருவதாக தகவல் வெளியாகியுள்ளது.
இந்த நிலையில், மழை குறித்து அவ்வப்போது அறிவிப்புகளை வெளியிட்டு வரும் சென்னை வானிலை ஆய்வு மையம், சற்றுமுன் வெளியிட்ட அறிவிப்பில் ராமநாதபுரம் மாவட்டத்தில் இன்று இரவு இடி மின்னலுடன் கூடிய மிதமான மழை பெய்யும் என்றும், புதுக்கோட்டை, சிவகங்கை, விருதுநகர், தஞ்சாவூர், நாகப்பட்டினம், திருவாரூர் மற்றும் தூத்துக்குடி மாவட்டங்களில் இடி மின்னலுடன் கூடிய லேசான மழை பெய்யும் என்றும் அறிவித்துள்ளது.
அதேபோல், காரைக்கால் பகுதியில் நல்ல மழை பெய்யும் எனவும், சென்னை பகுதியில் வானம் மேகமூட்டத்துடன் காணப்படும் எனவும் வானிலை ஆய்வு மையம் தெரிவித்துள்ளது.
