தஞ்சை, அரவக்குறிச்சி, திருப்பரங்குன்ற ஆகிய மூன்று தொகுதிகளிலும் நடைபெற்ற சட்டசபை இடைத்தேர்தலில் அதிமுக வேட்பாளர்களே வெற்றி பெற்றனர். இந்நிலையில் இவர்கள் மூன்று பேரும் இன்று பதவியேற்க உள்ளதாக தகவல்கள் வருகின்றன.
வெற்றி பெற்ற மூன்று பேரும் எம்எல்ஏக்களாக சபாநாயகர் அறையில் இன்று மாலை 4 மணிக்கு நடைபெறும் விழாவில் பதவி ஏற்றுக் கொள்ள உள்ளதாக தகவல்கள் வெளியாகியுள்ளன.
மேலும், பதவி ஏற்பு நிகழ்ச்சியில் நிதி அமைச்சர் ஓ.பன்னீர்செல்வம், சபாநாயகர் தனபால் மற்றும் அமைச்சர்கள், சட்டமன்ற உறுப்பினர்கள் உள்பட பலர் கலந்து கொள்வார்கள் என எதிர்பார்க்கப்படுகிறது.
இந்த பதவியேற்புக்கு பின்னர் அவர்கள் அப்போலோவில் கடந்த 65 நாட்களுக்கு மேல் சிகிச்சை பெற்று வரும் முதல்வர் ஜெயலலிதாவிடம் ஆசி பெறவுள்ளதாக தகவல் வெளியாகியுள்ளது.
மருத்துவமனையில் சிகிச்சை பெற்று வரும் தமிழக முதல்வர் ஜெயலலிதாவின் புகைப்படம் இதுவரை வெளியாகாத நிலையில், வெற்றி பெற்ற மூன்று பேரும் முதல்வரை சந்திக்க உள்ள நிலையில் அந்த புகைப்படம் வெளியாகலாம் என எதிர்பார்க்கப்படுகிறது. இதனால் அதிமுக தொண்டர்கள் உற்சாகமடைந்துள்ளனர்.