படுத்து கொண்டே ஜெயித்த எம்ஜிஆர்: வீட்டுக்குள் இருந்தே ஜெயிக்க போகிறாரா ரஜினி?

வீட்டுக்குள் இருந்தே ஜெயிக்க போகிறாரா ரஜினி?

தமிழக முதல்வராக இருந்த எம்ஜிஆர் அவர்கள் உடல் நலக் கோளாறு காரணமாக அமெரிக்காவில் சிகிச்சை செய்து கொண்டிருந்தபோது படுத்துக்கொண்டே ஒரே ஒரு வீடியோவை மட்டுமே வெளியிட்டு மிகப்பெரிய வெற்றியைப் பெற்றார் என்பது தெரிந்ததே 

அந்த வகையில் ரஜினிகாந்தும் வரும் தேர்தலில் பிரச்சாரத்திற்கு செல்லாமல் வீட்டுக்குள் இருந்தபடியே பிரச்சாரம் செய்ய திட்டமிட்டுள்ளதாக செய்திகள் வெளியாகிக் கொண்டிருக்கின்றது. நவீன தொழில்நுட்பமான ஹோலோகிராம் முறையில் 3டியில் அவர் பேசும் வீடியோக்கள் பட்டி தொட்டி எங்கும் ஒளிபரப்ப ஏற்பாடு செய்யப்பட்டு வருவதாகவும் இதை பார்க்கும்போது ரஜினியே நேரில் நின்று பேசுவது போன்ற இருக்கும் என்றும் கூறப்படுகிறது 

இந்த தொழில்நுட்பத்தை பயன்படுத்தி தான் அவர் வரும் தேர்தலில் தமிழகம் முழுவதும் பிரச்சாரம் செய்ய இருப்பதாகவும் எம்ஜிஆர் படுத்துக்கொண்டே வெற்றி பெற்றது போல் வீட்டிலிருந்து பிரச்சாரம் செய்து ரஜினிகாந்த் பிரச்சாரம் செய்ய திட்டமிட்டிருப்பதாகவும் கூறப்படுகிறது 

இந்த தொழில்நுட்பத்தை பயன்படுத்தி தான் அஜித் நடித்த விவேகம் திரைப்படத்தில் ஒரு சில காட்சிகள் இருக்கும் என்பது குறிப்பிடத்தக்கது. இந்த புதிய தொழில் நுட்பம் மூலம் ரஜினி பிரச்சாரம் செய்தால் மக்களிடம் போய் சேருமா? அவரது தொழில்நுட்ப பிரச்சாரம் எந்த அளவுக்கு வெற்றிகரமாக இருக்கும் என்பதை பொறுத்திருந்துதான் பார்க்க வேண்டும்