மே 7 - ராகுல் காந்தி சென்னை வருகை
மே 7 - ராகுல் காந்தி சென்னை வருகை
தமிழக சட்ட மன்றத் தேர்தலை முன்னிட்டு, தேர்தல் பிரச்சாரம் செய்ய மே 7 ஆம் தேதி ராகுல் காந்தி சென்னை வருகிறார்.
தமிழக சட்ட மன்றத் தேர்தல் மே 16 ஆம் தேதி நடைபெற உள்ளது. இந்தத் தேர்தலில் திமுக - காங்கிரஸ் கட்சி கூட்டணி அமைத்து தேர்தலை சந்திக்கிறது.
இந்த நிலையில், திமுக - காங்கிரஸ் கட்சி வேட்பாளர்களை ஆதரித்து தேர்தல் பிரசாரம் செய்ய அகில இந்திய காங்கிரஸ் கட்சி துணைத் தலைவர் ராகுல் காந்தி மே 7 ஆம் தேதி சென்னை வருகைதர உள்ளார்.
அவர், சென்னை மதுரவாயல், மதுரை, கோவை ஆகிய 3 இடங்களில் நடைபெறும் தேர்தல் பிரசார பொதுக் கூட்டங்களில் கலந்து கொண்டு பிரசாரம் செய்ய உள்ளதாக தமிழக காங்கிரஸ் கமிட்டித் தலைவர் ஈ.வி.கே.எஸ்.இளங்கோவன் தெரிவித்தார்.
