ஓ.பன்னீர்செல்வத்தின் செயல்பாடு எந்த விதத்திலும் அதிமுக என்ற கோட்டையை பாதிக்காது என ஆதிமுக துணை பொதுச் செயலாளர் டிடிவி தினகரன் பேட்டி அளித்துள்ளார்.
அதிமுக தலைமை அலுவலகத்தில் துணை பொதுச் செயலாளராக பொறுப்பேற்ற பின் பேட்டி அளித்தார். அதில் அவர் கூறியதாவது:-
ஜெயலலிதா கூறியதால்தான் கட்சியை விட்டு ஒதுங்கி இருந்தேன். கட்சியின் விதி முறைப்படிதான் சசிகலா பொதுச் செயலாளராக தேர்வு செய்யப்பட்டுள்ளார். கட்சியின் கணக்கு விவரங்களை பொருளாளர் திண்டுக்கல் சீனிவாசன் கவனித்து வருகிறார்.
ஓ.பன்னீர்செல்வத்தின் செயல்பாடு எந்த விதத்திலும் அதிமுக-வை பாதிக்காது. திமுகதான் முக்கிய எதிரி. கட்சியிலும், ஆட்சியிலும், குடும்ப நபர் என்ற ஆதிக்கம் இருக்காது.
சட்டமன்றத்தில் கலவரம் செய்து ஆட்சியை கலைக்க மு.க.ஸ்டாலின் திட்டமிட்டார். தோல்வியின் விரக்தியில் அவர் செயல்படுகிறார். மக்கள் அ.தி.மு.க. மீது கோபமாக இருப்பதாக சொல்வது பொய் பிரசாரம்.
திமுக-வினர் மக்கள் என்ற போர்வையில் பல்வேறு பிரச்சனைகளில் ஏற்படுத்தி வருகிறார்கள். ஓ.பி.எஸ். என்பது ஒரு அணி அல்ல. அது ஒரு சிறு குழுதான். தாய் கழகத்தில் இருந்து பிரிந்து சென்றவர்கள் மீண்டும் வந்தால் தாய் மனதோடு ஏற்றுக் கொள்வோம், என்று கூறினார்.