எஸ்ஆர்எம் பல்கலை கழக வேந்தர் பச்சமுத்து மீது சென்னை காவல் ஆணையர் அலுவலகத்தில் ஒருவர் புகார் அளித்துள்ளார்.
எஸ்ஆர்எம் கல்லூரியில் மருத்துவ இடம் வாங்கித் தருவதாகக் கூறி 74 கோடி ரூபாய் மோசடி செய்துள்ளதாக பல்கலைகழகத்தின் வேந்தர் பச்சமுத்து மீது பலர் புகார் அளித்த வழக்கில் பச்சமுத்து கைது செய்யப்பட்டு சமீபத்தில் ஜாமீனில் வெளிவந்தார்.
இந்நிலையில், மேற்கு மாம்பலத்தைச் சேர்ந்த கோபாலன் என்பவர் சென்னை காவல் ஆணையர் அலுவலகத்தில் புகார் மனுவில் கூறியுள்ளதாவது, “கடந்த 2004 ஆம் ஆண்டு, எஸ்ஆர்எம் பல்கலைகழக வேந்தர் பச்சமுத்து, என்னிடம் 1 கோடியே 20 லட்ச ரூபாய் கடன் வாங்கினார். அதனை திரும்பத் தர மறுக்கிறார். எனவே அவர் மீது நடவடிக்கை எடுக்க வேண்டும்.” என்று குறிப்பிட்டிருந்தார்.
