தமிழக முதல்வர் ஜெயலலிதா திடீர் உடல் நலக்குறைவு காரணமாக சென்னை அப்பல்லோ மருத்துவமனையில் அனுமதிக்கப்பட்டுள்ளார். அவர் முழுமையாக குணமடைந்துள்ள நிலையில் அவர் தொடர்ந்து மருத்துவர்களின் கண்காணிப்பில் உள்ளார்.
ஜெயலலிதா குணமடைந்து விரைவில் வீடு திரும்ப வேண்டும் என பல்வேறு கட்சி தலைவர்களும், பிரபலங்களும் அவருக்கு வாழ்த்து தெரிவித்து வருகின்றனர்.
திமுக தலைவர் கருணாநிதியும் முதல்வர் ஜெயலலிதா உடல் நலம் பெற வேண்டும் என வாழ்த்து தெரிவித்தார். இந்த வாழ்த்து அரசியலில் வியப்பாக பார்க்கப்பட்டது. அரசியலில் எதிர் எதிர் துருவங்களாக இருப்பவர்கள் இருவரும்.
கருணாநிதியிடம் இருந்து இப்படி ஒரு ஆறுதலான வார்த்தை வரும் என முதல்வர் ஜெயலலிதா கூட எதிர்பார்த்திருக்க மாட்டார். ஆனால் முதல்வர் ஜெயலலிதாவின் உடல் நிலைகுறித்து தனக்கு நெருக்கமானவர்களிடம் கருணாநிதி மிகவும் உருக்கமாக கண்ணீருடன் பேசியதாக தகவல்கள் வருகின்றன.