பெரியாரின் 136வது பிறந்த தினத்தையொட்டி சென்னை சிம்சன் அருகே உள்ள பெரியாரின் திருவுருவச் சிலையின் அருகே அவரது திருவுருவப் படம் அலங்கரித்து வைக்கப்பட்டிருந்தது.
இன்று காலை அங்கு வந்த திமுக தலைவர் கருணாநிதி, பெரியார் படத்துக்கு மலர் தூவி மரியாதை செலுத்தினார். அவருடன் பொதுச் செயலாளர் அன்பழகன், பொருளாளர் மு.க. ஸ்டாலின், ஆற்காடு வீராசாமி உள்ளிட்டோர் மலர் தூவி மரியாதை செலுத்தினர்.
இதே போல, தேசிய முற்போக்கு திராவிட கழகத்தின் சார்பில் பெரியாரின் 136 வது பிறந்த நாளை முன்னிட்டு அவரது திருவுருவப் படத்திற்கு அக்கட்சியின் தலைவர் விஜயகாந்த் மலர்த் தூவி மரியாதை செலுத்தினார்.
