பயணச்சீட்டு பெற அடையாள அட்டை கட்டாயம்: போக்குவரத்து கழகம் அறிவிப்பு

சென்னை மாநகர போக்குவரத்து கழகம், ஒரு நாள் பயணச்சீட்டு பெற பயணிகள் கட்டாயம் அடையள அட்டை வைத்திருக்க வேண்டும் என்று உத்தரவிட்டுள்ளது.

சென்னை மாநகர பேருந்துகளில் பயணிகள் வசதிக்காக ‘ஒன் டே பாஸ்’ என்று சொல்லக்கூடிய ரூ:50 மதிப்புள்ள ஒரு நாள் பயணச்சீட்டு வழங்கப்படுகிறது.

பயணிகள் அந்த ஒரு நாள் பயணச்சீட்டை கொண்டு காலை 5 மணி முதல் இரவு 11 மணி வரை பயணிக்க முடியும்.

நேற்று முன்தினம் மாநகர போக்குவரத்து கழகம், ஒரு நாள் பயணச்சீட்டு பெற பயணிகள் கட்டாயம் அடையள அட்டை வைத்திருக்க வேண்டும் என்ற புது உத்தரவை பிறப்பித்துள்ளது. அதன்படி அடையாள அட்டை இல்லாதவர்களுக்கு ஒரு நாள் பயணச்சீட்டு வழங்கப்படாது.

இந்த ஒரு நாள் பயணச்சீட்டுக்கும் அடையாள அட்டையும் என்ன தொடர்ப்பு உள்ளது என்று தெரியவில்லை. ஒரு நாள் பயணச்சீட்டு எல்லா பகுதிக்கும் செல்லும் பேருந்தில் பயன்படுத்துவதற்காக உள்ள போது அதில் பாலினம் குறிப்பீடு ஒன்றே தேவையில்லாதது. இந்நிலையில் அதற்கு அடையாள அட்டை கட்டாயமாக்கப்பட்டுள்ளது.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்