தமிழகத்தின் முதலமைச்சர் என்ற பதவியை ட்விட்டரில் நீக்கினார் எடப்பாடி பழனிசாமி!

தமிழக சட்டமன்ற தேர்தலில் பெரும்பான்மை வெற்றி பெற்ற திமுக விரைவில் ஆட்சியமைக்க உள்ளது. திமுக எம்.எல்.ஏக்கள் கூட்டம் நாளை நடைபெறும் நிலையில் கவர்னர் மாளிகையில் விரைவில் மு.க.ஸ்டாலின் முதல்வராக பதவி பிரமாணம் ஏற்க உள்ளதாக கூறப்படுகிறது.

மு.க.ஸ்டாலினுக்கு பல அரசியல் கட்சி தலைவர்கள் பிரபலங்கள் உள்ளிட்டோர் வாழ்த்துக்களை தெரிவித்து வருகின்றனர். எடப்பாடி பழனிசாமியும் ஸ்டாலினுக்கு வாழ்த்துக்களை தெரிவித்தார். இந்நிலையில் தமிழக முதலமைச்சர் பதவியை ராஜினாமா செய்த எடப்பாடி பழனிசாமி தனது ராஜினாமா கடிதத்தை ஆளுநர் பன்வாரிலாலுக்கு சேலத்தில் இருந்து அனுப்பியுள்ளார். மேலும், தனது ட்விட்டர் பக்கத்தில் தமிழகத்தின் முதலமைச்சர் என்ற பதவியை நீக்கினார் எடப்பாடி பழனிசாமி.