8 வயது மகளுக்கு சூடு வைத்த குடிகார தந்தை

கோவையில் தனது 8 வயது மகளை குடித்துவிட்டு போதையில் வந்த குடிகார தந்தை சூடு வைத்துள்ள கொடூர சம்பவம் நடந்துள்ளது. சமீப காலமாக குழந்தைகளுக்கு எதிரான வன்முறை சம்பவங்கள் அதிகரித்து வருவது பலரையும் கவலையில் ஆழ்த்தியுள்ளது.

கோவை, நெகமம் அருகில் உள்ள செஞ்சேரிமலையில் வசிக்கும் கோவிந்தராஜ் கூலித்தொழில் செய்து வருகிறார். இவருக்கு காயத்திரி என்ற 8 வயது பெண் குழந்தை ஒன்று உள்ளது.

இந்நிலையில் சில தினங்களுக்கு முன்னர் இரவில் குடித்துவிட்டு வீட்டுக்கு வந்த கோவிந்தராஜ், தூங்கிக்கொண்டிருந்த குழந்தை காயத்திரியை எழுப்பியுள்ளார். குழந்தை தூக்கத்தில் இருந்து எழும்பாததால், போதையில் இருந்த கோவிந்தராஜ் ஆத்திரத்தில் குழந்தையின் இரண்டு கண்ணங்களிலும் சூடு வைத்துள்ளார்.

பாதிக்கப்பட்ட குழந்தை கயாத்ரிக்கு கோவை அரசு மருத்துவமனையில் சிகிச்சை அளிக்கப்பட்டது. இதனையடுத்து குழந்தையின் தாய் சுபா அளித்த புகாரின் அடிப்படையில் காவல் துறையினர் தந்தை கோவிந்தராஜை கைது செய்தனர்.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்