அரசியலுக்கு வாங்க ரஜினி … களத்தில் இறங்கிய கோவை ரசிகர்கள்!

ரஜினி அரசியலுக்கு வரவேண்டும் என ரஜினி ரசிகர்கள் கோவையில் போஸ்டர்களை ஒட்டியுள்ளனர்.

சூப்பர் ஸ்டார் ரஜினிகாந்த் அவர்கள் விரைவில் அரசியல் கட்சி தொடங்கி அரசியலில் குதிப்பார் என்று எதிர்பார்க்கப்பட்ட நிலையில் கடந்த 2 நாட்களாக வைரலாகி வரும் அவர் பெயரில் வெளியான கடிதமும் நேற்று அவர் பதிவு செய்த டுவிட்டும் ரஜினி ரசிகர்களுக்கு பெரும் அதிர்ச்சியை ஏற்படுத்தியது.

உடல் உடல் நிலை காரணமாக ரஜினி அரசியலுக்கு வருவது சந்தேகம்தான் என்ற தகவல் தற்போது சமூக வலைதளங்களில் வைரலாகி வருகிறது. ஆனால் அதே நேரத்தில் அந்த கடிதத்தில் குறிப்பிட்டுள்ள உடல்நிலை குறித்த தகவல்கள் உண்மை என்று மட்டும்தான் அவர் கூறினாரே தவிர அரசியலுக்கு வரமாட்டேன் என்று கூறவில்லை என்றும், கண்டிப்பாக ரஜினிகாந்த் அரசியலுக்கு வருவார் என்றும் ஒரு தரப்பினர் கூறி வருகின்றனர்

இந்நிலையில் காலம் காலமாக ரஜினி அரசியலுக்கு வருவார் என்று காத்திருந்த ரசிகர்கள் அதிர்ச்சி அடைந்துள்ளனர். ரஜினி அரசியலுக்கு வரவேண்டும் என கோரிக்கை வைத்து சமூகவலைதளங்களில் ஹேஷ்டேக் ட்ரண்ட் செய்து வருகின்றனர். மேலும் சென்னை உள்ளிட்ட பகுதிகளில் அரசியலுக்கு வரவேண்டும் என போஸ்டர்களை ஒட்டி வருகின்றனர். இதையடுத்து இப்போது கோவை ரஜினி ரசிகர்களும் போஸ்டர் ஒட்டி தங்கள் ஆதரவை தெரிவித்து வருகின்றனர்.