மேல்முறையீடு செய்த 6,355 தனியார் பள்ளிகளுக்கான புதிய கல்விக் கட்டணத்தை தமிழக அரசு இணையதளத்தில் வெளியிட்டுள்ளது.
சென்னை உயர் நீதிமன்ற ஓய்வு பெற்ற நீபதிபதி ரவிராஜ் பாண்டியன் குழு புதிய கல்வி கட்டணத்தை அண்மையில் வெளியிட்டது.
தமிழ்நாடு முழுவதும் உள்ள 6,355 பள்ளிகளுக்கு அந்தந்த பள்ளிகளின் கட்டமைப்பு வசதிகளுக்கு ஏற்ப கல்வி கட்டணம் நிர்ணயம் செய்தது இந்த குழு.
தனித்தனியாக ஒவ்வொரு பள்ளிகளுக்கும் கட்டணம் குறித்த பட்டியல் நேற்று முன்தினம் வழங்கப்பட்டது. அந்த பட்டியலை பெற்ற பள்ளிகள் அதன் விவரங்களை மாணவர்கள், பெற்றோர்கள் தெரிந்து கொள்ளும் வகையில் பெயர் பலகையில் ஒட்ட வேண்டும். ஆனால் பெரும்பாலான பள்ளிகள் இதனை பின்பற்றவில்லை.
அதனால் பெற்றோர்களுக்கு வசதியாக கட்டண விவரங்கள் தமிழக அரசின் இணையதளத்தில் இன்று வெளியிடப்பட்டது. 6355 பள்ளிகளுக்கான கட்டண விவரங்களும் அதில் இடம் பெற்றுள்ளது. www.tn.gov.in, pallikalvi.in என்ற அரசின் இணைய தளத்தில் விவரங்களை தெரிந்து கொள்ளலாம்.