ஐ.டி.சி. நிறுவனம் மீது நடவடிக்கை‌: வரதரா‌ஜ‌ன்!

கோவை மாவட்டத்தில் குப்பைகளைக் கொட்டி நாசப்படுத்தி சட்டத்துக்கு புறம்பாக செயல்படும் ஐ.டி.சி. நிறுவனம் மீது நடவடிக்கை எடுக்க வேண்டும் என்று மார்க்சிஸ்ட் கம்யூனிஸ்ட் கட்சி கோரிக்கை விடுத்துள்ளது.

இதுகுறித்து, கட்சியின் மாநிலச் செயலாளர் என்.வரதராஜன ் வெளியிட்ட அ‌றி‌க்கை‌யி‌ல், கோவை மாவட்டம் தேக்கம்பட்டி அருகே பேப்பர் மற்றும் பேப்பர் கப் தயாரிக்கும் கம்பெனியை, 2004-ம் ஆண்டு ஐ.டி.சி. நிறுவனம் தொடங்கியது.

இந்த நிறுவனம் பயன்படாத தாள்களை இறக்குமதி செய்கிறோம் எனக் கூறி, அமெரிக்கா மற்றும் பிரிட்டன் ஆகிய நாடுகளில் இருந்து குப்பைகளை இறக்குமதி செய்து வந்துள்ளது.

இதனை, 2005-ம் ஆண்டு தூத்துக்குடி துறைமுகத்தில் சுங்கத் துறை அதிகாரிகள் கண்டுபிடித்துள்ளனர். இதைத் தொடர்ந்தும், ஐ.டி.சி. நிறுவனம் தொடர்ந்து அமெரிக்கா, பிரிட்டன் நாடுகளில் இருந்து கழிவுகளை இறக்குமதி செய்து வருகிறது.

இந்த நிறுவனம் பவானி ஆற்றில் இருந்து சுமார் 2 கி.மீ. தொலைவில் உள்ளது. எனவே, சட்டத்துக்குப் புறம்பாக நடக்கும் ஐ.டி.சி. நிறுவனம் மீது மத்திய-மாநில அரசுகள் கிரிமினல் நடவடிக்கை எடுக்க வேண்டும் என்று தனது அறிக்கையில் என்.வரதராஜன் கேட்டுக் கொண்டுள்ளார்.